Ano na teh?

Hala wala ba talaga akong blog post for 2016? Namamalik mata lang ba ako? Haha.. Grabe naman. Pasensiya at inamag na naman to. Eto at pinapagpagan ko na. Ang kapal ng alikabok grabe!

Ano na ba ang latest?

Ang latest ay si Duterte. Kapag tinatanong ako lagi kung anong balita, lagi ko sasabihin “Ayun.. Si Duterte.”

Bukod kay Duterte, okay naman po ang buhay-buhay. Happy na, happy pa rin, happy ulit. Stable na ang life. Stable talaga? Parang kulungan lang ng kabayo?

Malaki na ang bossing ko. Magsa-sampung taon na siya sa mga nalalapit na araw. Literal na boss ko na siya minsan. Most of the time siyempre ako pa rin ang boss pero malaking parte na siya ng pagde-desisyon namin sa bahay at sa buhay. Ganun pala talaga ang mga anak natin habang lalong lumalaki. Lalong tumatalino, lalong nakikialam. Pero masasabi ko na napakatalino at talentadon niyang bata. Hindi ko alam saan nanggaling ang talino at talento niya (ehem).

Good news!

Uuwi kami sa Pinas pagkatapos ng lima at kalahating taon! Woooohhhooooo! Sa wakas! Excited na ako makita ang mga pamilya, kamag-anak at kaibigan ko except sa mga magpapakita lang para sumahod. Hahaha..

Paunawa: Hindi po ako milyonaryo. Simple lang po kaming mamamayan. Maliit din po ang palitan ng NZD to PHP. Mahirap po kumita ng pera. Magbanat po kayo ng buto. Thank you po.

Dalawa at kalahating buwan na lang… Hello Pilipins!

Handa na kaming malanghap ang napakadumi mong hangin Metro Manila. Ready na kami makakita ng sangkatutak na mga basura sa mga kalsada, maglakad sa gilid ng kalye katabi ng mga sasakyan dahil bihira ang sidewalk at foothpath at magtatakbo kapag nakakita ng daga at ipis.

Sa kabilang banda, handa na kaming lumangoy sa masarap at katamtamang lamig ng tubig ng beaches, kumain ng napakasasarap at murang pagkain, at mayakap ang lahat ng mga mahal namin sa buhay. The last premise will make all our sacrifices worth it.

Kita-kits! Love you all! =)

Published by

emilayskie

Just doing what I got to do.

2 thoughts on “Ano na teh?”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s